एकटा

"तू"आणि "मी"
किंवा "आपण" सारेच
कधीच एकटे नसतो..
भोवताली नेहमीच असते गर्दी
विचारांची, स्वप्नांची,आठवणींची
कधी बुध्दितल्या रसायनांबरोबर
रंगपंचमी खेळतांना...
तर कधी मनातल्या भावनांना
अंजारत गोंजारताना...
नेहमीच आपण स्वतःला पाहतो
स्वतःबरोबर रमताना...
आपल्यातच  वाहत असतो कधी
मनविभोर पहाटवारा....
तर कधी बरसत राहतो
कातरवेळचा केशरझरा...
सुख दुःखांच्या क्षणांची
नेहमीच असते साथ...
तुला तुझं एकट्यालाच
करायची असते मात
करायची असते मात...

धन्यवाद..
*विवेकवी*
23/11/2018